"ГЕНЕТИК ТЕСТ МОНГОЛ" ХХК

Байгууллагын зорилго: Шинжлэх ухааны ололт амжилтыг Монголчууддаа нэвтрүүлэх замаар амьдралын зөв хэвшлийг дээшлүүлэхэд бодитой хувь нэмэр оруулна.

Бид Монголчууддаа тэр тусмаа хүүхэд залуустаа өөрсдийн авьяас чадвар, төрөлх өгөгдлөө тааж биш ШУ-ы үндэстэйгээр нээж хөгжүүлж, амжилтад дөтөөр хүргэх зорилгоор 2018 оны 10-р сараас эхлэн үйл ажиллагаагаа эхлүүлсэн. Өнөөдөр Монгол улсад маань мэргэжил сонголт, цаашдын карьер хөгжлийн талаар тодорхой стандартын дагуу цогц үйлчилгээ хүргэдэг газар ховор байгаа тул дараах үйлчилгээнүүдийг нэвтрүүлэн ажиллаж байна. 

Мэргэжил сонголтоо хийх гэж байгаа болон ажил мэргэжилээ өөрчлөх хүсэлтэй, Өөрт тохирсон манлайллын арга, хөгжлийн шийдлүүдийг ашиглан хамт олон, байгууллагаа өсөлтийн замд оруулахад нь туслах зорилгоор Генетик тест Монгол ХХК нь мэргэжил сонголт болон карьер хөгжлийн талаар сургалт мэдээлэл, шаардлагатай зөвлөгөөг өгдөг бөгөөд энэхүү үйл ажиллагаандаа ШУ-ны ололт амжилтуудаас хэд хэдэн аргуудыг хэрэглэн харьцуулан мэдээлэл сургалт зөвлөгөөг өгсөөр байна.

Бид хүний биометр шинжилгээг холбогдох сэтгэл зүйн асуулгын аргатай хослуулан гаргаж, зөвлөгөө мэдээллүүдийг өгөх  чиглэлээр Оюунлаг, Оюуны Ундраа, FARO академи, Сингапур сургууль, Анагаах ухааны их сургууль, Монгол Билэг Оюу, 52-р сургууль, Их Монголын үрс цэцэрлэг зэрэг олон байгууллагуудтай амжилттай хамтран ажилласан болно. Мөн Өмнөговь аймгийн ЗДТГ, "Ид Шидийн орон" ТББ-ийн УБ болон Дундговь салбартай хамтран хүмүүнлэгийн аян зохион байгуулж, хамтран оролцсон.

Мөн 2020 оны 06 сараас дэлхийд тэргүүлж буй Европын 24GENETICS байгууллагын төлөөлөгчөөр сонгогдож,  ДНХ ШИНЖИЛГЭЭ-г хүний шүлснээс 7 төрлийн генетикийн тайланг /Испани дах тусгай лабораторид/ шинжлүүлэх талаар мэдээлэл зөвлөгөө өгдөг болсноор дэлхийн дэвшилтэт Шинжлэх Ухааны ололтыг Монголдоо нэвтрүүлэх, хямдаар авах бололцоог улам бүр ойртуулж өгсөн.

24Genetics байгууллагын DNA-ийн шинжилгээ нь хүний өнгөрсөн болоод ирээдүйн тухай мэдээллийг хамгийн өндөр магадлалаар харуулдаг ба Биотехнологийн Мэдээллийн Үндэсний төв /NCBI/-өөр хүлээн зөвшөөрөгдсөн байдаг. 24Genetics нь хүний ген /DNA/ шинжлэн тогтоох европын анхны компани бөгөөд одоогоор дэлхийн 90 гаруй оронд үйл ажиллагаагаа явуулж байна.

2021 оны 04 сараас SO-CHECK байгууллагын шинэ үйлчилгээ, Европын хамгийн сүүлийн үеийн дэвшилтэт технологиор хүний захын судсанд гэрлээр шинжилдэг үйлчилгээг нэвтрүүлсэн. Энэхүү үйлчилгээгээр бид 21 төрлийн ЭРДЭС БОДИС, 7 ТӨРЛИЙН ВИТАМИН, 18 ТӨРЛИЙН ХҮНД МЕТАЛЛ-ыг шинжилж мэргэжлийн зөвлөгөө өгч байна.

Цаашид ч бид Монголчууддаа эрүүл зөв амьдрах мэдээ, мэдээлэл, арга замуудыг нээж, дэлхийн дэвшилтэт аргуудыг ашиглах бололцоог нэмэгдүүлэхийн төлөө зорин ажиллах болно.